بھارت میں چلنے والے حالیہ حجاب تنازعے پر پاکستانی وزراء کی طرف سے دیئے گئے بیانات پر جارحانہ ردعمل کا اظہار کرتے ہوئے انڈیا کے مسلم لیڈر اسد الدین اویسی نے کہا کہ پاکستان تو ملالہ کی حفاظت نہیں کرسکا، ملالہ پر پاکستان میں حملہ ہوا اور اس کو ملک چھوڑ کر جانا پڑا۔ اسد الدین اویسی نے مزید کہا کہ ہماری بچیاں انڈیا میں رہیں گی اور عزت سے پڑھیں گی۔ پاکستان کے آئین کے مطابق کوئی غیر مسلم وہاں کا وزیراعظم یا صدر نہیں بن سکتا، اس لئے میں پاکستانی لوگوں کو کہتا ہوں کہ ہمارے معامات میں ناک مت گھساؤ، تم اپنے معاملات سنبھالو۔