صدر ٹرمپ ایران کو مسلسل خطرناک نتائج کی دھمکیاں دے رہے ہیں۔ ان کی دی ہوئی ڈیڈلائن آج رات امریکی وقت کے مطابق آٹھ بجے ختم ہوجائے گی۔ بعض حلقوں نے خدشہ ظاہر کیا ہے کہ امریکا ایران پر ٹیکٹیکل ایٹمی ہتھیار سے حملہ کرسکتا ہے۔
ٹیکٹیکل اور اسٹریٹیجک جوہری ہتھیاروں میں کافی فرق ہوتا ہے۔ اس کی تکنیکی تفصیلات عام آدمی کی سمجھ میں نہیں آسکتیں۔ سادہ زبان میں یوں سمجھ لیں کہ اسٹریٹیجک ایٹمی ہتھیار بڑے شہر کی دسیوں لاکھ کی آبادی اور اس کے انفرااسسٹرکچر کو تباہ کرسکتا ہے۔ اس کے مقابلے میں ٹیکٹیکل جوہری ہتھیار صرف مختصر دائرے میں فوجی اہداف کو نشانہ بنانے کے لیے ہے۔
300 کلوگرام سے دس کلو ٹن [10 ہزار کلوگرام] تک کا ٹیکٹیکل جوہری ہتھیار استعمال کیا جائے تو نصف میل تک شدید تباہی ہوسکتی ہے۔ ایک میل تک ابتدائی مہلک تابکاری خوراک کو جان لیوا کرسکتی ہے۔ ڈیڑھ میل تک شدید حرارت پہنچ سکتی ہے۔ مزید تین میل تک خطرناک نقصانات ہوسکتے ہیں۔ ہوا کے ساتھ تابکاری اثرات دس میل یا اس سے بھی آگے تک جاسکتی ہیں۔
یہ بھی سخت نقصانات ہیں لیکن بہرحال اتنے زیادہ نہیں جو اسٹریٹیجک جوہری ہتھیار سے ہونے کا خدشہ ہوتا ہے۔
یاد رکھنا چاہیے کہ ہیروشیما پر پھینکا جانے والا ایٹم بم 15 کلوٹن کا تھا۔ آج کے حساب سے اسے ٹیکٹیکل سمجھا جائے گا کیونکہ اب 100 ٹن سے زیادہ کے اسٹریٹیجک جوہری ہتھیار بھی موجود ہیں۔
ٹیکٹیکل جوہری ہتھیار کو جنگی طیارے یا چھوٹے میزائل سے پھینکا جاسکتا ہے۔
امریکا کے پاس 3700 ایٹمی ہتھیار ہیں۔ ان میں سے 200 "بی 261" ٹیکٹیکل جوہری ہتھیار ہیں۔
امریکا کے پاس W76-2 نام کا کم طاقت والا وارہیڈ بھی ہے، جس کی طاقت تقریباً 8 کلوٹن ہے۔ یہ اندازاً 25 سے زیادہ نہیں بنائے گئے۔ لیکن یہ آبدوز سے داغے جانے والے اسٹریٹجک میزائل پر نصب کیا جاتا ہے۔ اسے ٹیکٹیکل کے بجائے low-yiel کہا جاتا ہے۔
ایسے واقعے میں بڑا مسئلہ صرف ابتدائی دھماکا نہیں ہوتا بلکہ اس کے بعد وسیع پیمانے پر ایمرجنسی رسپانس کی ناکامی، آگ، ملبہ، طبی نظام پر فوری بوجھ اور تابکار فال آؤٹ بھی ہوتا ہے۔ شہری ماحول میں جوہری دھماکے کے بعد امدادی کارروائیاں انتہائی مشکل ہوسکتی ہیں۔
جوہری حملے کے نتائج برسوں تک رہ سکتے ہیں، جن میں تابکاری سے لاحق بیماریاں، نفسیاتی صدمہ اور بنیادی ڈھانچے کی طویل تباہی شامل ہیں۔