وفاقی وزیر داخلہ نے اپوزیشن کو کھلا چیلنج دیتے ہوئے کہا کہ اپوزیشن اپنی چارپائی کے نیچے جھاڑو دے، اپنے بندے پورے کرے، اپوزیشن عدم اعتماد کیلئے بندے نہیں لاسکتی۔ ان کے ارکان پورے نہیں ہوسکتے، لانے ہوتے تو ساڑھے تین سال پہلے لے آتے، یہ لوگ خوشی سے عدم اعتماد کا شوق پورا کریں، 50 دن میں آ پ کو پتا لگ جائے گا۔ چوہدری شجاعت موجودہ سیاست میں سچا آدمی ہے، ساری رات میڈیا پر چیں چیں آپ عدم اعتماد نہیں لاسکتے، ان کی سیاست 50 دن کی ہے، اس کے بعد وزیراعظم مضبوط ہوںگے، 50 دن بعد ان کی سیاست بند ہوجائے گی، یہ سارے ٹی وی ٹی وی کھیل رہے ہیں۔ ہمارے اتحادی ہی ملاقاتیں کررہے ہیں اس میں کوئی مسئلہ نہیں۔

شیخ رشید کا یہ بھی کہنا تھا کہ رواں ماہ 14 فروری کو ایران کے وزیر داخلہ پاکستان آ رہے ہیں، 23 سال بعد آسٹریلیا کی کرکٹ ٹیم پاکستان آ رہی ہے، اسلام آؓباد میں اگلے ماہ او آئی سی کا اہم اجلاس ہونے جا رہا ہے۔