ایم کیو ایم کے ذرائع یہ کہتے ہیں کہ اتحاد برقرار رہے گا، ایک وزارت انہیں چاہئے، اس کا اظہار تو وہ نہیں کرتے مگر جو لوگ ان کی سیاست کو سمجھتے ہیں، ان کا کہنا یہی ہے۔ ق لیگ کا تو بالکل سمجھ نہیں آتا کسی طرح کہ وہ اپوزیشن کے ساتھ جارہے ہیں، اس میں تضادات اتنے زیادہ ہیں۔ جو سارا دن خبریں آتی رہیں اس کے مطابق تو یہ ہے کہ بس بات ہوگئی ہے ایم کیو ایم اور ق لیگ سے اور بس حکومت جانے والی ہے۔ شہباز شریف وزیراعظم بننا چاہتے ہیں اس میں کوئی شبہ نہیں ہے کہ وہ ساری کاوش اسی لئے کررہے ہیں۔ زرداری صاحب بلاول کو وزیراعظم بنانا چاہتے ہیں ان کا یہ خیال ہے کہ وہ ن لیگ کی حمایت سے سندھ میں کچھ زیادہ سیٹیں لے لیں گے،، جہانگیر ترین اور ق لیگ کو رام کرلیں گے۔ اب وہ پرویز الٰہی سے کہتے ہیں کہ آپ چیف منسٹر ہوجائیں۔ ہارون الرشید