سرگودھا: مذہبی کشیدگی کا واقعہ
آر پی سرگودھا شارق کمال اور ڈی پی او سرگودھا ڈاکٹر اسد اعجاز ملہی سمیت سینئر افسران کی سپرویژن میں سرگودھا پولیس نے بروقت ریسپانڈ کیا اور فوری موقع پر پہنچ کر نہ صرف 10 قیمت جانوں کو بچا لیا بلکہ حالات پر بھی قابو پا لیا۔کسی قسم کا جانی نقصان نہیں ہوا،مشتعل افراد کے پتھراؤ سے پولیس کے 10 سے زائد افسران اور جوان زخمی بھی ہوئے۔سرگودھا پولیس نے اپنی جان داؤ پر لگا کر فیملیز کو ریسکیو کر کے ہجوم سے نکالا۔پولیس کی بروقت کاروائی کی بدولت سرگودھا بڑے سانحہ سے بچ گیا۔

سرگودھا کے حالات الحمدللہ مکمل طور پر پرامن اور کنٹرول میں ہیں، ڈسٹرکٹ امن کمیٹی اور کرسچین کمیونٹی کے ممبران نے پولیس کے ساتھ مل کر افہام و تفہیم اور امن کی فضا بحال کرنے میں موثر کردار ادا کیا۔ سرگودھا پولیس کے 02 ہزار سے زائد افسران اور جوان سکیورٹی ڈیوٹی پر موجود ہیں۔کسی کو شرپسندی کی اجازت نہیں دی جائے گی۔ شہریوں سے التماس ہے کہ شرپسند عناصر سے نمٹنے کے لیے پولیس کا ساتھ دیں، ڈی پی او سرگودھا اعجاز ملہی۔