*ریاستِ پاکستان کے خلاف چیرمین پی ٹی آئی کی سازش بے نقاب ۔ اپنے ہی پرنسپل سیکرٹری نے سازشی بیانیہ زمیں بوس کردیا*

تاریخِ اسلام اور جمہوریت کی تاریخ کا شاید سب سے بڑا واقعہ ہے جس میں ریاست کا سب سے بڑا علمبردار ریاست مخالف سازش کرتا پکڑا گیا ہے۔ کیا دنیا میں کوئی ایسی مثال ملتی ہے جہاں ریاست کا اپنا سربراہ ریاست مخالف سازش کرتے پکڑا گیا ہو؟ امریکی سازش کا بیانیہ اور یہ کہنا کہ جنرل باجوہ نے سازش کی، میر جعفر میر صادق جیسے القابات دینا اور الزام در الزام لگانا کونسی جمہوریت میں ہوتا ہے؟ کیا کہیں کوئی وزیر اعظم اپنے ہی آرمی چیف کے خلاف سازش کرسکتا ہے؟

اعظم خان کوئی عام کارکن نہیں ہیں۔ وہ پی ٹی آئی کا کوئی سابق رہنما نہیں بلکہ چئیرمین پی ٹی آئی کا بندہِ خاص ہے۔ یہ آدمی عمران خان کا عکس ہے۔ یہاں تک کہ پی ٹی آئی کے اپنے وزیروں کا کہنا تھا کہ “حکومت تو اعظم خان اور شہزاد اکبر چلاتے ہیں اور خان ان کی سنتا ہے۔” آج اعظم خان کے انکشافات جو چئرمین پی ٹی آئی کے یارِ خاص نے کیے اس پر چئرمین پی ٹی آئی کو قوم سے معافی مانگنی چاہئیے۔ پھر ریاستی اداروں اور اُنکے سربراہان سے مانگنی چاہئے جن پر اس نے بے بنیاد الزامات لگائے۔