بریکنگ نیوز۔ عدالت نے وزیراعظم آزاد کشمیر سردار تنویر الیاس کو نا اہل قرار دے دیا

آزاد کشمیر ہائی کورٹ نے وزیراعظم آزادکشمیر سردار تنویر الیاس کو نااہل قرار دے دیا۔

آزاد کشمیر ہائی کورٹ کے فل کورٹ بینچ نے سردار تنویر الیاس کو توہین عدالت کے الزامات پر بطور رکن اسمبلی نااہل قرار دے دیا۔

فیصلے کا اعلان بینچ کی جانب سے کیا گیا جسے جسٹس خالد رشید نے عدالت میں پڑھ کر سنایا، وزیراعظم کو عدالت برخاست ہونے تک کی سزا سنائی گئی۔

واضح رہے کہ گزشتہ روز آزاد کشمیر کی اعلیٰ عدالتوں نے وزیر اعظم سردار تنویر الیاس کو عوامی جلسوں میں اپنی تقاریر میں اعلیٰ عدلیہ کے بارے میں توہین آمیز ریمارکس کے حوالے سے وضاحت کے لیے الگ الگ نوٹس بھیجے تھے۔