سوشل میڈیا پر اس وقت سابق سیکرٹری الیکشن کمیشن کنور دلشاد کی لیکڈ ویڈیو وائرل ہے۔ یہ اس وقت کی ویڈیو ہے جب وہ الیکشن کمیشن کے سیکرٹری کے عہدے پر فائز تھے اور ایک غیر ملکی صحافی ان کا انٹرویو کررہا تھا۔ انٹرویو کے دوران جب صحافی نے پوچھا کہ الیکشن کمیشن کے بارے میں کہا جاتا ہے کہ اس کی کوئی کریڈبیلٹی نہیں، اس پر سیکرٹری الیکشن کمیشن کنور دلشاد نے صحافی کو جواب دیتے ہوئے کہا کہ یہ بالکل غیر حقیقی باتیں ہیں، اصل میں الیکشن کمیشن بہت آزاد ادارہ ہے، یہ تو اتنا آزاد ہے کہ امریکہ کے الیکشن کمیشن سے بھی زیادہ آزاد ہے، یہ کہتے ہوئے سیکرٹری کنول دلشاد کی بے ساختہ ہنسی چھوٹ گئی، گویا ان کو اپنی بات پر ہی ہنسی آگئی۔