Jail Mein Imran Khan Ka Blaadkaar Kia Gya Hai - Indian Media Ka Dawa
Don't bring religion into politics - Singapore PM's Unusual warning to Muslims
Fake spiritualism of fake intellectuals, Qudrat Ullah Shahab, Mumtaz Mufti, Ashfaq Ahmad - Uzma Rumi's vlog
Shireen Mazari bashes Fawad Chaudhry in defence of her daughter Imaan Mazari
Donald Trump posts AI-generated photo of himself dressed as the pope
Watch exclusive footage of Pakistan's successful test of short-range Abdali ballistic missile
Who Invited Mika Singh & Other Indian Singers in Pakistan During Recent Pak India Tension
موجودہ صورتحال میں 15رکنی بھارتی طائفے کی پاکستان آمد پر عوام حیران
اسلام آباد(فخر درانی)پاک۔بھارت کشیدگی کے باوجود15رکنی بھارتی طائفے کی پاکستان آمد پرعوام حیران ہے۔بھارتی گلوکار میکا سنگھ کو ڈیڑھ لاکھ ڈالرز معاوضہ دیاگیا اور وہ زمینی راستے سے پاکستان آئے ۔جب کہ ایک صوبے کے گورنر نے ان کاخصوصی استقبال کیا۔ایسے حالات میں کہ جب دونوں ممالک کے سفارتی تعلقات محدودکردیئے گئے ہیں اورتمام پاکستانی چینلز پر بھارتی مواد نشر کرنے پر پابندی عائد ہےمگر بھارتی گلوکار کو اجازت دیدی گئی۔تفصیلات کے مطابق،پاکستان اور بھارت کے درمیان لائن آف کنٹرول پر بڑھتی کشیدگی کے باوجود سابق صدر پرویز مشرف کے ارب پتی قریبی عزیز اور دوست نے بھارتی گلوکار میکا سنگھ اور ان کے ساتھیوں کو اپنی بیٹی کی شادی میں مدعو کیا۔میکا سنگھ کو ان کے 14ساتھیوں کے ہمراہ کراچی، لاہور اور اسلام آباد کے 30روز کے ویزا مختلف وزارتوں کی خصوصی اجازت اور ایجنسیز کی کلیئرنس پرجاری کیے گئے ۔میکا سنگھ زمینی راستےسےپاکستان آئے اور ایک صوبے کے گورنر نے ان کا خصوصی استقبال کیا۔باوثوق
ذرائع کا کہنا ہے کہ میکا سنگھ کو ڈیڑھ لاکھ ڈالرز ادا کیے گئے ۔جب کہ میکا سنگھ اور ان کے آٹھ ساتھیوں کو فرسٹ کلاس ٹکٹ بھی دیئے گئے۔پرویز مشرف کے عزیز کی بیٹی کے شادی کی تقریب 8اگست کو ڈی ایچ اے کراچی میں منعقد ہوئی تھی۔ذرائع کا مزید کہنا تھا کہ دولہا نے اس خواہش کا اظہار کیا تھا کہ اس کی شادی میں میکا سنگھ پرفارم کرے ۔دولہے کی اس خواہش کو پورا کرنے کے لیےپرویز مشرف کے عزیز نے اپنے اثرورسوخ کا استعمال کرتے ہوئے میکا سنگھ کو پاکستان بلوایا۔شادی کے شرکا ء سے درخواست کی گئی تھی کہ پاکستان اور بھارت کے درمیان کشیدگی کے باعث میکا سنگھ کی پرفارمنس کی ویڈیو نا بنائیں۔تاہم اس کے باوجود میکا سنگھ کی پرفارمنس کی ویڈیو لیک ہوگئیں اور انہیں سوشل میڈیا پر وائرل کردیا گیا، جس پر عوام نے نا صرف اس تقریب کے انعقاد پر شدید تنقید کی بلکہ حکومت کو بھی آڑے ہاتھوں لیا۔یہاں یہ بتانا بھی ضروری ہے کہ بھارتی فل انڈسٹری نے پاکستانی اداکاروں اور گلوکاروں پر پابندی عائد کررکھی ہے ، یہاں تک کے پاکستانی کرکٹرز بھارتی کرکٹ لیگ ، آئی پی ایل نہیں کھیل سکتے ۔جب کہ دونوں ممالک سفارتی تعلقات بھی محدود کرچکے ہیں ۔سوشل میڈیا پر لوگوں کا یہ بھی کہنا ہے کہ پچھلے دنوں ہونے والی شادیوں خاص طور پر نومبر ، دسمبر ، جنوری اور فروری کے مہینوں میں بہت سے لوگ بھارتی فنکاروں کو مدعو کرنا چاہتے تھے ، مگر انہیں اجازت نہیں دی گئی۔تمام چینلز اور کیبلز پر کسی بھی طرح کے بھارتی مواد نشر کرنے کی ممانعت ہے ایسے حالات میں حکومت پاکستان نے بھارتی گلوکار کو خصوصی پروٹوکول کیوں کر دیا۔
Source
